شيرين عروس السما.. الى روح المناضلة شيرين ابو عاقلة
شعر – سيد يونس
مين اللي قال
موتي
وانتي اللي ساكنة
مابين ضلوع الناس.
من يقدر يمحيكي
بتخضري ورودك
بتبدري شجرة
وريحة الزيتون
وفي كل حشا واحدة
جواهم الف شيرين
مين اللي قال
موتي
او انتي اللي غبتي
وصورتك في قلب العدو
ارتعاشات خوف
حسك علي ودانهم
طلقة رصاص فيهم
حرماهم النومة
في لحظة الراحة
مين اللي قال
موتي
وانتي اللي عروسة
وعريسها قدسيها
مستني بلهفه
عيونه يكحلها
في لحظة الصبحية
انتي اللي عروسة
والزفه قمراية
في السما نجومها
زغرودة وبتضوي
زي الشهب نازلة
ترعب قلوب
اندال
فاكرين خنقوك
صوتك وغناويك
لبلادك الحرة
ناسين ياشيرين
انك كما بركان
واسمك
في كل مكان
اصبح ليهم زلزال
وانتي اللي وسطينا
بترفرفي فوقنا
وبتنثري حلمك
انه مفهش محال