بمناسبة 8 مارس.. بائعة فطائر نموذج مشرف للمرأة المغربية الحرة
اختارت المصدر ميديا، بمناسبة الإحتفاء باليوم العالمي للمرأة، تسليط الضوء على قصص ملهمات مكافحات، صامدات، ناجحات، متماسكات، رغم كل الظروف والعراقيل التي تعترض طريقهن ورغم كل الحواجز التي تحول بينهن وتحقيق أحلامهن.
وبهذه المناسبة، وبعد أن نقلنا لكم قصة “الملهمة القنيطرية”، ها نحن نعيد الكرة، ونروي لكم قصة “فاطمة”، أرملة من مواليد 1964م، أم لثلاثة أبناء (ذكران وأنثى)، سيدة بسيطة جداً، تفترش الأرض وتبيع جميع أنواع الفطائر والمخبوزات في إحدى أزقة حي النهضة بالعاصمة الرباط، سيدة تمثل شريحة كبيرة من النساء اللواتي يشتغلن في مهن غير مهيكلة ووضعيات صعبة.
تقول: “الولد الصغير اللي باقي تيقرا الباقين كملو قرايتهم كافحت عليهم، خلاهم باهم باقين كيقراو.. أنا منين كان راجلي كنت خدامة كنطيب وكنطرز درت بزاف ديال الحوايج مع راجلي المرأة المغربية مكافحة، هو كان كيبيع ويشري، ومنين مات بقيت لا حنين لا رحيم خاص نوض نربي ولادي“.
ابني حاصل على ديبلوم “تقني متخصص في الميكانيك”، يساعدني في تسديد الإلتزامات المالية في حال تمكن من العمل عند أحدهم “منين تيبريكولي”، لأنه لم يجد شركة أو مكاناً مناسباً يوظفه بلا محسوبيات”
إني أهتم بالدراسة في المرتبة الأولى، أما الكسوة أو الغذاء فهي أشياء لن أقول أنها غير ضرورية، ولكن يمكنني التنازل عن بعضها بين الفينة والأخرى في سبيل تحصيل علم ممتاز، “باش ما كان تتقضي فالكسوة والماكلة”، حقيقة ولادي صبرو معايا بزاف خصوصا فالعواشر والعيد الكبير”
وواصلت فاطمة قائلة: كنديو لوليداتنا فلوس الحلال، بصحتي كنخدم عليهم وكندعي الله يقبط الروح وحنا مستورين..، غير منين تيوصلوا ولادي اللي تقاتلت عليهم وكنت ليهم الأم والأب، لمراتب زوينة وينجحوا.. هاديك هي الدنيا وما عليها”.
وختمت الملهمة “فاطمة”، “أبيع البغرير والملوي والمسمن والرزيزة والمخمار وأي حاجة تتصايب بلدية..، أستثمر فيهم بصحتي من 100 ولا 200 ولا 500 درهم يمكنني صنع الكثير. وأقول للنساء بهذه المناسبة: “كافحوا على وليداتكم وصبروا ت حاجة ما ساهلة ولكن ربي كبير، وكنوجه رسالة للمسؤولين “كنتمنى منين نكبروا وليداتنا ونتقاتلوا باش نقريوهم ونوعيوهم، ضمنوا ليهم فرص شغل كيستحقوها ويخدموا في المناصب اللي قراو على ودها.. بلا واسطة بلا محسوبية.. راه وليداتنا كيضيعو منين ما كيلقاوش شي نتائج مفرحة بعد سنين من الشقاء والتعب الدراسي والحياتي، وكنقول للأرامل حضي راسكم من الذياب منين تيموت ليك الراجل كل شي كيطمع فيك..”