باسم يوسف : هاتعملو إيه مع لي إنتقد القرآن او البخاري
نشر الإعلامي الساخر باسم يوسف على صفحته على الفيسبوك تدوينة عقب ما يتعرض له المسيحيون من مضايقات، قائلا “طيب فيه ناس لسه بتهاجم اللي انا قلته ان فيه عنصرية في مجتمعاتنا بأنها أنه المسيحيين بيتعاملوا أحسن معاملة، وأن الحوادث اللي ضدهم دي حوادث فردية (طبعا) وأن فيه خلط بين الأفراد و المؤسسات الدينية و الحكومة، طيب انا مش حخش في النقاش ده و أجيب عشرات الأمثلة عن معاملة المسيحيين في مصر”.
واضاف باسم يوسف “ماشي يا عم المتسامح، المسيحيين عايشين ملوك و لا بيتهجروا و لا حاجة ، و الذبح اللي شغال في سينا ده لا يمثل الاسلام، معروفة،بس أفتكر ان انا قلت ان فيه عنصرية و تفرقة ضد غير المسلمين ” . يعني بهائيين لا دينيين، ملحدين الخ الخ، و لو انت شايف نفسك متسامح و الدنيا فلة و اننا أحسن من الغرب اسال نفسك لو واحد عمل فرشة في شارع او ميدان عام زي المسلمين كده في أوروبا بيجيبوا ترابيزات بيحطوا عليها مصاحف . و الواحد ده ابتدى يدعوا للبهائية او ابتدى يشكك في القران او البخاري “.
و إنتقد الفنان الساخر طريقة تعامل المصريين مع المختلف قائلا ” الشعب العادي اللي من عير بوليس أو أزهر حيعمل في الراجل ده أيه؟ انا بعيني شفت واحد مسلم في مترو نيويورك عمال يشخط في اللي رايح و اللي جاي و يقول للناس ان الإنجيل محرف و ان كلهم على ضلال . و لا حد قربله. بس معلش يا جماعة احنا فلة و حلوين و مافيش اي مشاكل في مجتمعاتنا”
وتجدر الإشارة ان مجموعة من المسيحيين غادرو مدينة العريش و المدن المجاورة مخافة من تهديدات مسلحة .