جميلة الهوني تخرج بتوضيحات حول دعوى إسقاط “الولاية” على طليقها الفنان أمين الناجي

خرجت الفنانة المغربية، جميلة الهوني، بتصريح تقدم فيه توضيحا بخصوص دعوى إسقاط الولاية على طليقها الفنان أمين الناجي.

وقالت الهوني: “اليوم اللي وقع هو واحد سوء تفاهم او لبس فسماع الحكم بطريقة مغلوطة ،خلاني نخرج بخبر غير صحيح ،عفوًا ومعذرة على هذا التسرع من قبلي”.

وأضافت الممثلة المغربية: “فالبداية بغيت نشكر السيدة المحترمة القاضية بهاد الحكم باعطائي الحق بالحاق ابني بمدرسة البعثة الفرنسية وهذا مطلب عانيت منو بسبب التعنت لمدة أكثر من سنة ،وهدي بادرة خير أعتز بها .غير هو مزال الطريق طويلة، هاد الحكم عطاني القوة وخلاني نتشبت اكثر لنصرة هاد القضية ،هاد القضية اكبر من جميلة الهوني ولا صفوان ولدي ،هدي قضية عدد كبير من النساء الحاضنات فالمغرب واللي صوتهم ما مسموعش بالمرة.غندق جميع الأبواب وغنمشي فجميع الطرق المشروعة عن طريق المجتمع المدني المغربي والترافع على دعوة اسقاط الولاية على الأب الأب غير المسؤول واللي مكيتحملش المسؤولية اتجاه ولادو، الوقت اللي تكلمت فيه على هاد الموضوع ،كان مطروح للنقاش ونا طرحتو للعلن حيت كاينين أبناء اخرين تيعانيو في صمت”.

وأضافت المتحدثة: “المهم معركتنا طويلة وخاص القانون يتغير ويتماشى مع قضايا هاد المجمع اللي كنعيشو فيه وكاينة قضايا أكبر من هادشي .والى مبغيتوش هاد النوع من القضايا اصلا فخاص الآباء يتحملو مسؤليتهم اتجاه ولادهم التغيير ممكن خاص غير الشجاعة تسبق”.