بعد انتشار مقطع فيديو لها رفقة الملولي..دنيا بطمة تفضحه وتقدم توضيحات
بعد نشر هشام الملولي مقطع فيديو مع الفنانة دنيا بطمة، وأرفقه بتعليق اعتبرته هذه الأخيرة غير لائق، حيث أكدت في منشور على حسابها بـ”انستغرام” أنه التقط معها الصور كأي معجب من المعجبين.
وقالت دنيا بطمة:”السلام عليكم كيقلك واحد المثل “دير الخير تلقى الشر” واذا الشي زاد عن حده وجب علي التوضيح، انا كفنانة مغربية بنت حي شعبي معروفة عليا الابتسامه مكتفارقنيش وممتكبراش نهاااانيا واش هذا غلط ؟؟ معرفتش صراحه”.
و أضافت المتحدثة:”آخر حفل وقع واحد الموقف واحد الشخص باغي يطلع يتصور وبقى فيا مخلاوش سكيورتي قلت لهم ماشي مشكل بحالو بحال غیرو، رحبت به و طلع دار فیدیو وسط ازعاج وصداع ، قلت لو شنو سميتك حيت اذا هوا كيحسابلو معروف انا معرفتوش، حاجة عاديه قالي الاسم ديالو عملت لو اهداء …. يمكن متقبلش أنني معرفتش اسمو فحول فيديو الى فيلم قصير من تأليفه… من بعد اكتشفت انه هاد انسان معروف كيموت على buzz الخاوي”.
و واصلت قائلة:”كيموت على buzz الخاوي… كتب تدوينة يمكن هو معارفش خطورة دكشي لي كتب حيت واحد خاصو الصرف والبوز فقط ولكن مااااشي على ظهري انا دخل في الطريق الغلط مع الشخص الغلط لي مكسكتش على حقو وماشي حيط قصير لي جا ينقزو”.
و أردفت قائلة:”من بعد عرفت شكون مسيفطو وعرفت الغاية من الموضوع كامل (انسانه مستهدفة في هذا الوقت بالضبط ) المهم كل من تخول له نفسه انه يتعامل بهاد الطريقة لي كنسميها انا قلة ترابي وقلة ادب واحد مطلعينو يتصور بحال اي فانز ولا باغي يتزوج كاع بساله وضصاره وقلة الوعي”.
و اختتمت تدوينتها بالقول:”لي ممربيش غادي يربيه القانون را مكناش السيبه فلبلاد ، ممكن بعض الامور ندوزهم بمزاجي واشياء مکندوزهاش تا کنطرق عليها وتكون عبرة لمن لا يعتبر وداك النوع بالضبط يستحق القمع فعلا”.