ابتسام العروسي: “جيت من خريبكة تقاتلت فالمجال لفني..ومعاونة مع راجلي على دواير زمان”

كشفت الفنانة المغربية، ابتسام العروسي، عن معاناتها قبل الشهرة عبر تدوينة نشرتها على احدى الصفحات.

وقالت العروسي :”أول مرة غادي نحسم شي قضية، واخا مكنهدرش دخلت هاد لكروب حيث حبيتو وانا فيه من زمان شفت منكم كل الخير، أولا أنا ماغاديش نمثل فالمكتوب دور ديال مريم، لي هي صديقة وزميلة وممثلة غزالة ولكل واحد رزقو، ثانيا أنا في الميدان من 2009 درت أحلام نسيم، مسلسل مينة، شهادة حياة، كنزة في الدوار، نايضة في الدوار، فيلم عمي، رضاة الواليدة، مستر سانسو،وزيد وزيد”، مضيفة ”جيت من خريبكة تقاتلت كنت كنبدل حوايجي في لقهاوي، ونرجع مع 12 ليل محطة ولاد زيان وطاكسيات بيضين وبزاف لحوايج متزوجت حتال 2017″.

وزادت الفنانة المغربية:”راجلي مخرج برامج، وبالعكس مرات المخرج منبودة حيث حتى مخرج اخر ميبغي سيناريو وطريقة الاشتغال ديالو يعرفها واحد اخر، راجلي كيدعمني معنويا، ولو تعرفو الاجتهاد ديالي وعفويتي وطيبتي غادي تعرفو علاش كنخدم، لان راسي صغير، هاد شي كنبغيه ودمرت عليه وكندمر عليه بحال اي مرأة معاونة مع راجلها على دواير زمان وعندها وليد، والله يسهل على كل انسان وكل وحدة فيكم ولو تعرفو ما وراء الابتسامة والصور لتغيرات بزاف لحوايج وهادي لقليل لي غادي يفهمها وشكرا”.