أثار تطبيق جديد لإجراء مكالمات الفيديو مع الفنانين والمشاهير، الجدل عبر مختلف منصات التواصل الإجتماعي، حيث انقسمت التعليقات بين مؤيدين ومعارضين لهذا النوع من التطبيقات التي تخول للمعجبين التواصل مع فنانيهم المفضلين بمقابل مادي ليس ببسيط.

ومنه صرح الممثل والمخرج إدريس الروخ، عبر اتصال هاتفي أجرته المصدر ميديا، عن رأيه في الموضوع، موضحاً أن هذا النوع من التطبيقات ما هو إلا وسيط بين الفنان ومعجبيه. قال: “هذا مشكل ديال تطبيق أنا بالنسبة ليا ما عندوش علاقة بالفنان، بل عنده علاقة بتواصل الناس مع الفنان، وحسب المفهوم ديال مصممين هاد التطبيق فهو طريقة لتنظيم مكالمات الفيديو والدعوات والعروض اللي كيوصلوا للفنان“. مبديا استغرابه من الضجة التي شهدها التطبيق على مختلف منصات التواصل الإجتماعي، موضحاً أنه موجود في مختلف أنحاء العالم قبل أن يتفاعل معه الناس في المغرب.

وأردف: “الحمد لله لحد الآن ما واقع تا شي حاجة، وأي حاجة خديتها غادي نرسلها للجمعيات الخيرية والمسألة ماشي مسألة فلوس حيت نقدروا بهاد الطريقة نعاونوا ناس ونساهموا مع افراد وجمعيات ونفيدو الناس عن طريق هاد الوسطاء وكنظن ما فيها ت حاجة اللي هي عيب ولا حرام“

وواصل حديثه مشيراً إلى أنه من بين الفنانين الذين يتفاعلون مع المكالمات التي تصلهم عبر هواتفهم الشخصية وكذا الرسائل التي ترسل عبر مختلف وسائل التواصل الإجتماعي، قال: “ كاين ناس تيعيطو لينا مباشرة فتيليفوناتنا وتنهضرو معاهم وتيشوفونا وتيتواصلوا معانا ما كاين ت مشكل ولكن الا كنا بهاد التطبيقات غادي نديرو الخير علاش لا“

وختم حديثه موضحاً أن الفنانين المشاركين في التطبيق لن يستقبلوا مكالمات بشكل يومي نظرا للتسعيرة المحددة حسب طول مدة المحادثة، قال: “واش فنظرك الناس بهاد الاثمنة غادي يعيطو كل نهار؟! اكيد لا واش هاد الفلوس هوما اللي غادي يمكنوا الفنان باش يعيش؟! طبعا لا، هي مسألة بالنسبة لي متعلقة بالجانب الخيري اللي ايوصل للناس بكرامة وبلا اشهار وتصوير …،  اللي صمموا التطبيق راه لقاو فكرة وطبقوها” 

تجدر الإشارة إلى أن التطبيق يحدد تكلفة المكالمة حسب الفنان ومدة المكالمة التي حددت بين خمسة دقائق كحد أدنى وعشرة دقائق في حدود المتوسط وخمسة عشر دقيقة كحد أقصى؛ كما تم تخصيص خاصية “الإهداء”، وخاصية “عروض العمل” (المناسبات؛ المهرجانات؛ المؤتمرات…) وهو ما يختلف من فنان لآخر ومن مشهور لآخر حسب تخصصاتهم ومجالات اشتغالهم.