مراكش : سعيد اوتنومر
أخر مستجدات النظام الجديد بمنتزه توبقال لي خاص الناس يعرفوها، خصوصا الناس لي ناوين يمشيو لتوبقال الأيام القادمة:
* كاين أربع نقط مراقبة فكل من أرمد ، شمهروش، الحانوت الأخير قبل من الروفيج و الروفيج. كيلزمو عليك تدلي بالبطاقة الوطنية و تعطيهم المسار ديالك و المدة لي اتقضيها فالمنتزه و ضرووووري يكون معاك مرشد أو ولد المنطقة لي تا هو بدورو كيدلي بالمعلومات ديالو.
* ممنوع وضع الخيام بالمنتزه و كل من أراد المبيت فالمنتزه عليه بالحجز فإحدى المآوي مسبقا.
* فحالة تجاوزتي إحدى نقط التفتيش بلا ميشوفوك بطريقة أو أخرى ، فراه كاين مراقبين وسط المنتزه إلى عرفوك بلا مرشد ، غادي يضطرو أنهم يخرجوك من المنتزه.
* من بعد العصر مكيسمحو لتا شي واحد باش يطلع من إمليل.
* ثمن دالمرشد 400 درهم لنهار ، و ممكن يكون أكثر او أقل.
* ثمن المبيت فإمليل ابتداءً من 60 درهم
* ثمن المبيت ف الروفيج ابتداءً من 195 درهم.